محترم شیخ الوظائف صاحب السلام علیکم! میں مسلسل چار سال مختلف بیماریوںمیں رہی ‘کبھی دل کا مسئلہ بن جاتا‘کبھی سر چکرانا شروع ہو جاتا اور آئے دن کوئی نہ کوئی مسئلہ گلے پڑ جاتا۔گھر میں جب اکیلی ہوتی تو محسوس ہوتا جیسے کانوں میں کوئی آواز دے رہا ہو ‘اکثر ڈر بھی جاتی تھی۔مگر رفتہ رفتہ یہ مسائل بڑھتے چلے گئے‘خواب میں اکثر خوفناک جن نظر آتاجس کے بعد میری آنکھ کھل جاتی اور رات بھر نیند نہ آتی۔زندگی سے سکون نام کی چیز ختم ہو گئی۔یہ سلسلہ یہی تک نہ تھما بلکہ وہ خوفناک جن مجھے کھلی آنکھوں سے دکھائی دینا شروع ہو گیا۔جب وہ میرے سامنے آتا اور دیکھتا تو میرا جسم پوری طرح ساقط ہو جاتا‘اس وقت میں اپنے ہوش حواس کھو بیٹھتی اور بے بس ہو کر رہ جاتی۔
منہ سے جانوروں کی آوازیں
وہ خبیث جن میرے ساتھ غلیظ حرکتیں کرتا۔اس نے میرے جسم پر قبضہ کر لیا ہوا تھا‘ جب چاہتا مجھے اپنے ظلم وجبر کا نشانہ بنا لیتا۔وہ جب بھی میرے پاس آنے لگتا تو میری شکل عجیب و غریب سی ہو جاتی اور منہ سے مختلف جانوروں کی آوازیں نکلنا شروع ہو جاتیں۔دل کی دھڑکن تیز ہونے لگتی۔شرم کے مارے اپنے ان مسائل کا کسی سے تذکرہ بھی نہیں کر سکتی تھی اور نہ ہی کوئی میرے مسائل کو ماننے کو تیار تھا۔ایسا کوئی نظر نہیں آرہا تھا جو اس درد ناک اذیت سے نکالتا۔
سخت تکلیف کے باوجود عمل نہ چھوڑا
ان دنوں ایک کلاس فیلو جو میری اچھی سہیلی بھی تھی اسےآپ سے کلینک پر ملاقات کا ٹوکن ملا ہوا تھا‘وہ کالج کے ہاسٹل میں رہتی تھی‘کوئی ساتھ نہیں تھا‘اسے لئے مجھے بھی اپنے ہمراہ لے آئی۔ آپ سے کلینک پر ملاقات ہوئی ۔میںنے ایک کاغذ پر مختصر اپنی بات لکھ کر آپ کو بتا دی۔آپ نے مجھے دم کیااورروزانہ لا تعدادیَا بَاسِطُ پڑھنے کا فرمایا۔میں نے اس پر عمل کیا مگر خبیث جن نے مزید تنگ کرنا شروع کردیا مگر میں نے عمل جاری رکھا‘جس کے بعداب جب بھی وہ قریب آتا ہے تو میں وظیفہ شروع کر دیتی ہوں جس کے برکت سےوہ چیخیں مارتا ہوا دور ہٹ جاتا ہے۔مجھے یقین ہے ان شاءاللہ جلد ہی اس سے مکمل نجات مل جائے گی۔