قارئین! کیا آپ ادویات کھا کر عاجز آچکے ہیں یاایسے مرض میں مبتلا ہیں کہ ادویات کھانے سے بھی قاصر ہیں ۔آپ چاہتے ہیں کوئی ایسا حل یا طریقہ علاج مل جائے جس سے آپ کو ان ادویات سے نجات مل جائے اور آپ بھی تندرستی کی نعمت سے مالا مال ہو جائیں؟ تو جی ہاں یہ ممکن ہے۔ 

عرق النساء یا شاٹیکا ایک ایسی بیماری ہے جس میں ٹانگ کے پچھلے حصے میں خطر ناک درد ہوتا ہے۔ اکثر کمر کے نچلے حصے میں ڈسک کے زخم یا عمر کے بڑھنے کے ساتھ ساتھ کمر کے نچلے حصے اور ڈسک کی تکالیف کے ساتھ ساتھ، ٹانگوں میں جھنجھلاہٹ، بے حسی اور کمزوری کا ہونا شامل ہے، جس سے کھڑے ہونے اور چلنے جیسا آسان کام کرنا ایک مشکل کام لگنا شروع ہو جاتا ہے۔ شاٹیکا درد، شاٹیک نس پر دباؤ یا تکلیف کی وجہ سے پیدا ہوتا ہےجو کمر کے نچلے حصے سے کولہوں تک اور ٹانگ کے نچلے حصہ تک جاتا ہے ۔یہ حالت روزمرہ کی سرگرمیوں میں ایک اہم رکاوٹ پیدا کر سکتی ہے۔ شاٹیکا کی شدت مختلف افراد میں مختلف ہوتی ہے، کچھ کو ہلکی تکلیف کا سامنا کرنا پڑتا ہے جبکہ دوسروں کو شدید درد کا سامنا کرنا پڑتا ہے۔سوجوک تھراپی، ایک مکمل شفا یابی کا نظام ہے جوکہ بشمول شاٹیکا سمیت مختلف بیماریوں سے نمٹنے کی صلاحیت رکھتا ہے ۔ یہ تھراپی ہاتھوں اور پیروں کے مخصوص نکات کو متحرک کرتی ہے جنہیں میریڈیئن پوائنٹس کہا جاتا ہے جو کہ جسم کے مختلف حصوں سے مطابقت رکھتے ہیں۔ سوجوک تھیراپی میں ایکیوپریشر اور بیج تھراپی کا استعمال کرکے جسم کے توازن کو بحال کرنا اور قدرتی شفا یابی کے طریقہ کار کو فروغ دینا ہے ۔سوجوک تھیراپی ایک متبادل طریقہ علاج ہے جو کہ شیاٹیکا کے درد کو کم کرنے اور مجموعی طور پرصحت کو بہتر کرنے کے لیے ایک منفرد، انوکھا اور مؤثر طریقہ علاج ہے۔شاٹیکا کے لیے سوجوک تھیراپی کو دو حصوں میں استعمال کیا جاتا ہے۔ مخصوص نکات پر ایکوپریشر: شاٹیکا کے لیے سوجوک تھراپی کے پہلے مرحلے میں نازک حصوں پر مساج کرنا شامل ہے۔ اس صورت میں، دونوں ہاتھوں کی ہتھیلی کی پشت پر کسی بھی تیل سے مساج کریں۔ اس جگہ کو "سپائنل ایریا" کہا جاتا ہے اور یہ ریڑھ کی ہڈی سے جڑا ہوا ہے۔ دوسرے مرحلے میں بیج کا استعمال کیا جاتا ہے، پریکٹیشنرز ہاتھ کے "ریڑھ کی ہڈی کے حصے" پر مٹر کے بیج لگائے جاتے ہیں۔مٹر کے بیج سرجیکل ٹیپ سے چپکا دیں۔اسی طرح میتھی کے بیجوں کو ٹانگوں کے مخصوص پوائنٹس پر لگانے سے شفا یابی کے عمل میں مزید اضافہ ہوتا ہے۔مزید برآں اس ایکیوپریشر کا اطلاق درمیانی اور انگوٹھی والی انگلی کے اندر ہوتا ہے۔ ن پوائنٹس پر میتھی کے بیجوں کے مساج کا مقصد توانائی کے بہاؤ کو متحرک کرنا اور متاثرہ حصوں میں شفا یابی کو فروغ دینا ہے۔ یہ بیج توانائی کے بہاؤ کو متحرک کرتے ہیں اور جسم کی قدرتی شفا یابی کے لئے مؤثر ہے۔آپ اس طریقہ کو رات سونے سے پہلے یا جس وقت بھی سہولت ہو روزانہ دس سے پندرہ منٹ تک ضرور استعمال کریں، آپ ان شاء اللہ بفضل خدا کچھ ہی دن میں معجزانہ نتائج دیکھیں ے اور شاٹیکا کے مرض سے ان شاءاللہ بہت جلد شفاء ہو گی۔مزید آسانی کے لئے ذیل میں ان پوائنٹس کی تصویر دی گئی ہے