قارئین میں حکمت کا کام کرتا ہوں۔ میںنےعبقری سے بہت کچھ سیکھا ہے۔ اب کچھ امانتیں لوٹا رہا ہوں۔ مردو خواتین کے وہ امراض جو اندر سے کھوکھلا کر دیتے ہیں۔ ان کے لئے تجربہ شدہ علاج قارئین کی نذر کر رہا ہوں۔ سوزاک آتشک مر د حضرات کی بہت پیچیدہ بیماری ہے۔ جو غیر فطری طرز زندگی کا نتیجہ ہے۔اس خطرناک مرض سے انسان اپنی قوت خاص سے محروم ہو جاتا ہے، عضو خاص کے اندر پیپ پڑ جاتی ہے۔اکثر بخار رہنے لگتا ہےاور یہ بیماری آسانی سے جان نہیں چھوڑتی ،انسان کسی کام کرنے کے قابل نہیں رہتا یہ بیماری بے حد تکلیف دہ ہوتی ہے۔ انسان کو تند رستی کا احسا س اسی وقت ہوتا ہے جب تندرستی ختم ہو جائے اس لئے صحت کی قدر کرنی چاہیے اس سے پہلے کہ بیماری انسان کو لاچار اوربے بس کردے ۔ درج ذیل نسخہ اس بیماری کا مکمل علاج ہے۔اس کے استعمال سے سوزاک کی تمام علامتیں ختم ہو جائیں گی۔ اس نسخہ کو استعما ل کرنے سےانسان کے اندر صحت کی رونقیں بحال ہوں گی اورخوش اخلاقی پیدا ہو گی ۔
جہاں لاکھوں کا علاج ناکام ہوا یہ نسخہ کام کر گیا
ھو الشافی :تالمکھانہ 1تولہ ، رال سفید 1تولہ ، گوند کتیر1 تولہ اور شکر 3تولہ لیں۔ ترکیب : ان تمام اشیاء کو باریک پیس لیں اور کوٹ چھان کر سات برابر خوراکوں میں تقسیم کر لیں ۔ ایک خوراک روزانہ کھانے کے دو گھنٹے بعد گائے کے تازہ دودھ کی لسی کے ساتھ استعمال کریں ایک ہفتہ میں آرام آجائے گا، ورنہ یہی نسخہ بنا کر اگلے سات دن استعمال کریں۔ایسے مریض جو لاکھوں کا علاج کروا کر نا امید ہو چکے تھے انہیں اس بے ضرر نسخے سے مکمل شفاء مل گئی۔قارئین اس نسخے کو ضرور پھیلائیں تاکہ دکھی انسانیت کے غم کم ہو جائیں۔
سیلان الرحم ختم جسم صحت مند اور تندرست
خواتین کے پوشیدہ مسائل ، سفید مواد کا بہنا، کپڑوں پر ایسے داغ لگ جاتے ہیں کہ داغ صاف نہیں ہوتا لیکن کپڑا پھٹ جاتا ہے، کسی کام میں جی نہیں لگتا، خواتین اولاد کے قابل نہیں رہتیں ، شدید کمزوری ہوجاتی ہے۔نوجوان لڑکیوں سے لے کر بڑی خواتین تک جسے بھی یہ بیماری لھتی ہے اندر سے کھوکھلا کر دیتی ہے،جسم ناکارہ ہو جاتاہے اور کسی کا م کے قابل نہیں رہتا۔ خواتین کی ان بیماریوں کے لئے بہترین نسخہ ہے اس کے استعمال سے صحت کو چار چاند لگ جائیں گے ۔ھو الشافی:سنگ جراحت 2 تولہ ، مائیں خورد 1 تولہ ، لودھ پٹھانی 6 ماشہ، چینا گوند ھ( کمر کس) 2 ماشہ ، مصری ملتانی 2 تولہ لے کر ان سب کو کوٹ چھان کر سفوف بنا لیں اور ململ کے کپڑے سے اچھی طرح چھان لیں تاکہ بہت صاف ستھرا پاؤڈر حاصل ہو۔ مقدار خوراک: ایک چٹکی تا آدھا چمچ تازہ پانی سے صبح و شام استعمال کریں۔ بہت جلد شفاء ہو گی ، اللہ کرم کر دے گا۔(محمد اعظم ، سیالکوٹ )