محترم حضرت حکیم صاحب السلام علیکم! میں آپ کا اور عبقری کی پوری ٹیم کا تہہ دل سے شکر گزار ہوں آپ کی وجہ سے میری زندگی کا سب سے اہم معاملہ بہترین انداز سے حل ہوا ہے۔ شادی کا فیصلہ زندگی کا وہ موڑ ہے جس میں انسان بے حد پریشان ہوتا ہے کہ اس کی زندگی کا ہمسفر کیسا ہوگا، ذہن مل پائیں گے یا نہیں اور زندگی کے اتار چڑھاؤ میں میرا سہارا بن سکے گا یا نہیں۔ میرے والدین مسلسل میرے لئےرشتے کی تلاش میں تھے۔ میں نے عبقری رسالہ سے متاثر ہو کر عبقری رسالےاور عبقری کا ایک بہت زبردست کتابچہ، جس کا نام" آزمودہ وطائف سے گھریلو الجھنوں کا حل" ہے۔اس کتابچے میں اتنے حیرت انگیز وظائف لکھے گئے ہیں جو ہر فرد ہر گھر کی ضرورت ہیں۔ میں نے رسالہ اور کتابچہ اس نیت سے تقسیم کرنا شروع کرد یا کہ اللہ پاک مجھےایسا رشتہ عطا فرمائے جو میرے لئے باعث رحمت اور دل کا سکون ہو اور ایسا نہ ہو کہ مجھے وقت سے پہلے بوڑھا کر دے۔ اس عمل کی برکت سے جلد ہی بہت اچھے خاندان میں رشتہ طے ہو گیا۔منگنی ہو گئی اور چھ ماہ کے بعد شادی ہوگئی۔ میںنے جیسا سوچا تھا میرے اللہ نے میرے لئےاس سے لاکھوں کروڑوں درجے بہتر کر دیا۔میری زندگی میں سکون آگیا اور مجھے اللہ نے ایسا ہمسفر دیا جو میری دنیا آخرت سنوارنے کاباعث ہے۔ میں جتنا اللہ کاشکر ادا کروں کم ہے۔یہ مجھے اس خیر اورنیکی کا صلہ ملا ہے جو میں نے عبقری رسالے اور آزمودہ وظائف سے گھریلو الجھنوں کا حل کتابچے کی صور ت میں دوسروں تک پہنچائی تھی۔ میںعبقری قارئین کو بھی یہ پیغام دینا چاہتاہوں کہ اگر کوئی بھی مشکل پریشانی ہے اور کوئی مراد چاہیے ہے تو آپ یہ عمل کریں    ان شاء اللہ غیبی اسباب بن جائیں گے اور آپ کو بہترین حل ملے گا۔(منصور گلفام ، کوہاٹ)